លោក គួច ចំរើនយកអំណោយជូនដល់ពលរដ្ឋ និងកុមាររងគ្រោះដោយជម្ងឺអេដស៍
11-June-2016 | ដោយ មែន កំសត់
ភ្នំពេញ៖នៅរសៀលថ្ងៃ ទី ០៩ ខែមិថុនា ឆ្នាំ២០១៦ លោក គួច ចំរើន ប្រធានកត្តិយស្ដ អនុសាខាកាកបាទក្រហមខណ្ឌដូនពេញ, លោក ហែម អាន ប្រធានក្រុមប្រឹក្សាខណ្ឌដូនពេញ នឹងលោកជំទាវ ឈឹមវត្តី អនុប្រធានអនុសាខាកាកបាទក្រហមខណ្ឌ បាននាំ. យកអំណោយដ៏ខ្ពង់ខ្ពស់របស់ សម្ដេចកិត្តិព្រឹត្តបណ្ឌិត ប៊ុន រ៉ានី ហ៊ុនសែន ជូនដល់ពលរដ្ឋ និងកុមាររងគ្រោះដោយជម្ងឺអេដស៍ ក្នុងសង្កាត់ទាំង11។ពលរដ្ឋ ក្មួយៗកុមាររងគ្រោះដែលមានជម្ងឺអេដស៍បានយល់ច្បាស់ថា អោយតែបានរស់នៅស្អាតបរិភោគស្អាត លេបថ្នាំទៀងទាត់ នឹងអាចរស់ដោយមានជីវិតធម្មតាដូចគេឯង.
កុមារីឈ្មោះ ស្រី កែវ ដែលមានផ្ទុកមេរោគអេដស៍ពីឪពុកម្ដាយ ត្រូវបានអនុសាខាខំថែរក្សានឹងផ្ដល់ការឧបត្ថម្ភគាំទ្រជាថវិកា និងសំភារៈដ៏ច្រើនជូននាង រហូតដល់បច្ចុប្បន្ននាងបានរៀនដល់ថ្នាក់ទី11 ហើយលោក គួច ចំរើន ប្រធានកត្តិយសអនុសាខា បានពាំនាំនូវការនឹករលឹក ការសួរសុខទុក្ខ និងប្រសាសន៍ផ្ដាំផ្ញើរបស់សម្ដេចគតិបណ្ឌិត គឺផ្តាំផ្ញើអោយអ្នកជម្ងឺយកចិត្តទុកដាក់ខ្ពស់អំពីសុខភាពរបស់ខ្លួន ដោយត្រូវខិតខំទៅទទួលសេវាសុខភាព និងបើកថ្នាំឱ្យបានទៀងទាត់បំផុត។
បន្ទាប់មក លោក គួច ចំរើន បានចែកជូននៅថវិកាដល់ប្រជាពលរដ្ឋក្នុង 1នាក់ 40.000រៀល។
សូមជំរាបថា សប្បុរសជនដែលបានចូលរួមឧបត្ថមរួមមាន លោក គួច ចំរើន 100$, លោកជំទាវ ឈឹម វត្តី 100$, លោកសុខ គឹមហេង លោកស្រី ប៉ុន ដានី 100.000រៀល និងលោក យន់ ចាន់ណារ៉ា 500.000រៀល៕
ចំនួនអ្នកទស្សនា
- ថ្ងៃនេះ2961
- ម្សិលមិញ2931
- សប្តាហ៍នេះ15151
- ខែនេះ2961
- ឆ្នាំនេះ986181
- សរុប20213627